കേന്ദ്ര പൊതുമേഖലാ കമ്പനിയായ റെയിൽ ഇന്ത്യ ടെക്‌നിക്കൽ ആൻഡ് ഇക്കണോമിക്സിൽ (റൈറ്റ്സ്) എൻജിനീയർമാരുടെ 170 ഒഴിവുകളിലേക്ക് അപേക്ഷ ക്ഷണിച്ചു.
സിവിൽ-50 , ഇലക്ട്രിക്കൽ-30 , മെക്കാനിക്കൽ-90 എന്നിങ്ങനെയാണ് ഒഴിവ്.
തുടക്കത്തിൽ ഒരു വർഷത്തെ കരാറിലായിരിക്കും നിയമനം.
ഭിന്നശേഷിക്കാർക്കും അപേക്ഷിക്കാം.
ഓൺലൈനായാണ് അപേക്ഷിക്കേണ്ടത്.
തസ്‌തികയുടെ പേര് : എൻജിനീയർ
- യോഗ്യത : സിവിൽ / ഇലക്ട്രിക്കൽ / ഇലക്ട്രിക്കൽ ആൻഡ് ഇലക്ട്രോണിക്സ് മെക്കാനിക്കൽ / പ്രൊഡക്ഷൻ / ഇൻഡസ്ട്രിയൽ / ഓട്ടോമൊബൈൽ എൻജിനീയറിങ്ങിൽ ബി.ഇ / ബി.ടെക് /ബി.എസ്.സി എൻജിനീയറിങ് , രണ്ടു വർഷത്തെ പരിചയം.
കുറഞ്ഞത് 60 ശതമാനം മാർക്കോടെ നേടിയതാവണം യോഗ്യത.
പ്രായം : 2020 നവംബർ ഒന്നിന് 40 വയസ്സാണ് ഉയർന്ന പ്രായപരിധി.
ഒ.ബി.സി (എൻ.സി.എൽ) , എസ്.സി / എസ്.ടി വിഭാഗക്കാർക്കും അതത് സംവരണ ഒഴിവുകളിലേക്ക് നിയമാനുസൃത വയസ്സിളവുണ്ടാവും. ഭിന്നശേഷിക്കാർക്കും നിയമപ്രകാരമുള്ള വയസ്സിളവുണ്ട്.
അപേക്ഷാഫീസ് : ജനറൽ / ഒ.ബി.സി വിഭാഗക്കാർക്ക് 600 രൂപയും ഇ.ഡബ്ല്യ.എസ് /എസ്.സി / എസ്.ടി / ഭിന്നശേഷി വിഭാഗക്കാർക്ക് 300 രൂപയുമാണ് അപേക്ഷാഫീസ്.
ഓൺലൈനായി ഫീസ് അടയ്ക്കണം.
തിരഞ്ഞെടുപ്പ് : എഴുത്തപരീക്ഷ , അഭിമുഖം എന്നിവ നടത്തിയാവും തിരഞ്ഞെടുപ്പ്.
ഡൽഹി , ഗുരുഗ്രാം , കൊൽക്കത്ത , ചെന്നൈ , മുംബൈ , ഹൈദരാബാദ് , നാഗ്പുർ എന്നീ കേന്ദ്രങ്ങളിലായിരിക്കും എഴുത്തുപരീക്ഷ നടക്കുക.
അപേക്ഷ സമർപ്പിക്കേണ്ട വിധം
www.rites.com എന്ന വെബ്സൈറ്റിൽ പ്രസിദ്ധീകരിച്ച വിജ്ഞാപനം വായിച്ചു മനസ്സിലാക്കി ഓൺലൈനായി അപേക്ഷ സമർപ്പിക്കണം.
അപേക്ഷ സമർപ്പിക്കേണ്ട അവസാന തീയതി : നവംബർ 26.
| Important Links | |
|---|---|
| Official Notification | Click Here |
| Application Form | Click Here |
| More Details | Click Here |
