കണ്ണൂരിൽ കരസേന റിക്രൂട്ട്മെന്റ് റാലി | വടക്കൻ ജില്ലക്കാർക്ക് അവസരം

ആർമി റിക്രൂട്ട്മെന്റ് റാലി മാറ്റി

---

ഫെബ്രുവരി 26 മുതൽ മാർച്ച് 07 വരെ കണ്ണൂരിൽ നടത്താനിരുന്ന ആർമി റിക്രൂട്ട്മെന്റ് റാലി മാറ്റി വെച്ചു. കോവിഡ്-19-ന്റെ പശ്ചാത്തലത്തിലാണ് മാറ്റി വെച്ചത്. പുതുക്കിയ തീയതി പിന്നീട് അറിയിക്കുന്നതായിരിക്കും.

---

കണ്ണൂരിൽ ഫെബ്രുവരി 20 മുതൽ മാർച്ച് 31 വരെ നടത്തുന്ന ഇന്ത്യൻ ആർമി റാലിക്ക് അപേക്ഷ ക്ഷണിച്ചു.

• കോഴിക്കോട് ,
• കാസർകോട് ,
• കണ്ണൂർ ,
• മലപ്പുറം ,
• പാലക്കാട് ,
• തൃശ്ശൂർ ,
• വയനാട് എന്നീ ജില്ലകളിലുള്ളവർക്കും
• മാഹി ,
• ലക്ഷദ്വീപ് എന്നിവടങ്ങളിൽ നിന്നുള്ളവർക്കും അപേക്ഷിക്കാം.

ഒഴിവുള്ള വിഭാഗങ്ങൾ :

• സോൾജ്യർ ജനറൽ ഡ്യൂട്ടി (ആൾ ആംസ്) ,
• സോൾജ്യർ ടെക്നിക്കൽ ,
• സോൾജ്യർ ടെക് നഴ്സിങ് അസിസ്റ്റൻറ് (എ.എം.സി) / നഴ്സിങ്ങ് അസി സ്റ്റൻറ്സ് വെറ്ററിനറി ,
• സോൾജ്യർ ക്ലാർക്ക്/ സ്റ്റോർ കീപ്പർ ടെക്നിക്കൽ / ഇൻവൻററി മാനേജ്മെൻറ് (ആൾ ആംസ്) ,
• സോൾജ്യർ ട്രേഡ്സ് മാൻ പത്താം ക്ലാസ് പാസ് (ഡ്രസ്സർ , ഷെഫ് , സ്റ്റുവാർഡ് , സപ്പോർട്ട് സ്റ്റാഫ് (ഇ.ആർ) ,
• ടെയ്ലർ,
• വാഷർമാൻ ,
• ആർട്ടീഷ്യൻ വുഡ് വർക്ക് ,
• സോൾജ്യർ ട്രേഡ്സ് മാൻ (ആൾ ആംസ്) എട്ടാം ക്ലാസ് പാസ് (മെസ്-കീപ്പർ ആൻഡ് ഹൗസ് കീപ്പർ) എന്നീ തസ്തികകളിലാണ് ഒഴിവുള്ളത്.

റാലിയുടെ വേദി പിന്നീട് പ്രഖ്യാപിക്കും.

തസ്‌തികയുടെ പേര് : സോൾജ്യർ ജനറൽ ഡ്യൂട്ടി (ഓൾ ആംസ്)

• യോഗ്യത : 45 ശതമാനം മാർക്കോടെ എസ്.എസ്.എൽ.സി/ മെട്രിക്.
• ഓരോ വിഷയത്തിനും 33 ശതമാനം മാർക്ക് നേടിയിരിക്കണം.
• പ്രായം : പതിനേഴര മുതൽ 21 വയസ് വരെ.

1999 ഒക്ടോബർ 1 ഒന്നിനും 2003 ഏപ്രിൽ ഒന്നിനുമിടയിൽ ജനിച്ചവരായിരിക്കണം (രണ്ട് തിയതികളും ഉൾപ്പെടെ).

• കുറഞ്ഞ ശാരീരിക ക്ഷമത : ഉയരം-166 സെ.മീ ,നെഞ്ചളവ് -77 സെ.മി. (6 സെ.മി വികസിപ്പിക്കാൻ കഴിയണം).

തസ്‌തികയുടെ പേര് : സോൾജ്യർ ടെക്നിക്കൽ

• യോഗ്യത : സയൻസ് വിഷയത്തിൽ പ്ലസ് ടു ഇൻറർമീഡിയറ്റ് പാസായിരിക്കണം.
• ഫിസിക്സ് , കെമിസ്ട്രി , മാത്‍സ് , ഇംഗ്ലീഷ് എന്നീ വിഷയങ്ങളിൽ 60 ശതമാനം മാർക്കും ഓരോ വിഷയത്തിനും 40 ശതമാനം മാർക്കും ഉണ്ടായിരിക്കണം.
• പ്രായം : പതിനെഴര -23 വയസ്സ്.

1997 ഒക്ടോബർ ഒന്നിനും 2003 ഏപ്രിൽ ഒന്നിനും ഇടയിൽ ജനിച്ചവരായിരിക്കണം (രണ്ട് തിയതികളും ഉൾപ്പെടെ).

• കുറഞ്ഞ ശാരീരിക ക്ഷമത : ഉയരം -165 സെ.മി , നെഞ്ചളവ് -77 സെ.മീ. (6 സെ.മീ. വികസിപ്പിക്കാൻ കഴിയണം).

തസ്‌തികയുടെ പേര് : സോൾജ്യർ ടെക് നഴ്സിങ്ങ് അസിസ്റ്റൻറ് (എ.എം.സി) / നഴ്സിങ്ങ് അസിസ്റ്റൻറ്സ് വെറ്ററിനറി

• യോഗ്യത : സയൻസ് വിഷയത്തിൽ പ്ലസ് ടു ഇൻറർമീഡിയറ്റ് പാസായിരിക്കണം.
• ഫിസിക്സ് , കെമിസ്ട്രി , ബയോളജി , ഇംഗ്ലിഷ് എന്നീ വിഷയങ്ങളിൽ 50 ശതമാനം മാർക്കും ഓരോ വിഷയത്തിനും 40 ശതമാനം മാർക്കും ഉണ്ടായിരിക്കണം.
• അല്ലെങ്കിൽ സയൻസ് വിഷയത്തിൽ പ്ലസ് / ഇൻറർമീഡിയറ്റ് പാസായിരിക്കണം.
• ഫിസിക്സ് , കെമിസ്ട്രി , ബോട്ടണി , സുവോളജി , ഇംഗ്ലീഷ് എന്നീ വിഷയങ്ങളിൽ 60 ശതമാനം മാർക്കും ഓരോ വിഷയത്തിനും 40 ശതമാനം മാർക്കും വേണം.
• പ്രായം : പതിനെഴര-23 വയസ്സ്.
  1997 ഒക്ടോബർ ഒന്നിനും 2003 ഏപ്രിൽ ഒന്നിനും ഇടയിൽ ജനിച്ചവരായിരിക്കണം (രണ്ട് തിയതികളും ഉൾപ്പെടെ).
• കുറഞ്ഞ ശാരീരിക ക്ഷമത : ഉയരം -165 സെ.മി, നെഞ്ചളവ് -77 സെ.മി(5 സെ.മി. വികസിപ്പിക്കാൻ കഴിയണം).

തസ്‌തികയുടെ പേര് : സോൾജ്യർ ക്ലർക്ക് /സ്റ്റോർ കീപ്പർ ടെക്നിക്കൽ/ ഇൻവൻററി മാനേജ്മെൻറ് (ഓൾ ആംസ്)

• യോഗ്യത : 60 ശതമാനം മാർക്കൊടെ ഏതെങ്കിലും സ്ട്രീമിലെ പ്ലസ് ടു ഇൻറർമീഡിയറ്റ് പാസായിരിക്കണം (ആർട്സ് , കൊമേഴ്സ് , സയൻസ്).
• എല്ലാ വിഷയങ്ങളിലും (50 ശതമാനം മാർക്ക് ഉണ്ടായിരിക്കണം. ഇംഗ്ലീഷ്/ മാത്‍സ് / അക്കൗണ്ട്സ് /ബുക്ക്സ് കീപ്പിങ്ങ് എന്നിവയിൽ 50 ശതമാനം മാർക്ക് വേണം.
• പ്രായം : പതിനെഴര -23 വയസ്സ്.
  1997 ഒക്ടോബർ ഒന്നിനും 2003 ഏപ്രിൽ ഒന്നിനും ഇടയിൽ 31 ജനിച്ചവരായിരിക്കണം (രണ്ട് തിയതികളും ഉൾപ്പെടെ).
• കുറഞ്ഞ ശാരീരിക ക്ഷമത : ഉയരം -162 സെ.മീ , നെഞ്ചളവ് -77 സെ.മി(6 സെ.മി. വികസിപ്പിക്കാൻ കഴിയണം).

തസ്‌തികയുടെ പേര് : സോൾജ്യർ ട്രേഡ്സ്മാൻ പത്താം ക്ലാസ് പാസ് (ഡ്രെസർ , ഷെഫ് , സപ്പോർട്ട് സ്റ്റാഫ് (ഇ.ആർ) , വാഷർമാൻ , ആർട്ടീഷ്യൻ വുഡ് വർക്ക്)

• യോഗ്യത : പത്താം ക്ലാസ് ജയിച്ചിരിക്കണം.
• ഓരോ വിഷയത്തിനും 33 ശതമാനം മാർക്ക് ഉണ്ടായിരിക്കണം.
• പ്രായം : പതിനെഴര -23 വയസ്സ്.

1997 ഒക്ടോബർ ഒന്നിനും 2003 ഏപ്രിൽ ഒന്നിനും ഇടയിൽ ജനിച്ചവരായിരിക്കണം (രണ്ട് തിയതികളും ഉൾപ്പെടെ).

• കുറഞ്ഞ ശാരീരിക ക്ഷമത : ഉയരം -166 സെ.മി , നെഞ്ചളവ് -76 സെ.മി(6 സെ.മി. വികസിപ്പിക്കാൻ കഴിയണം).

തസ്‌തികയുടെ പേര് : സോൾജ്യർ ട്രേഡ്മാൻ (ഓൾ (ആംസ്) എട്ടാം ക്ലാസ് പാസ് (മെസ് കീപ്പർ ആൻഡ് ഹൗസ് കീപ്പർ)

• യോഗ്യത :  എട്ടാം ക്ലാസ് ജയിച്ചിരിക്കണം.
• എല്ലാ വിഷയത്തിനും 33 ശതമാനം മാർക്ക് ഉണ്ടായിരിക്കണം.
• പ്രായം : പതിനെഴ -28 വയസ്സ്.

1997 ഒക്ടോബർ ഒന്നിനും 1 , 2003 ഏപ്രിൽ ഒന്നിനും ഇടയിൽ ജനിച്ചവരായിരിക്കണം (രണ്ട് തിയതികളും ഉൾപ്പെടെ).

• കുറഞ്ഞ ശാരീരിക ക്ഷമത : ഉയരം -166 സെ.മി , നെഞ്ചളവ് 76 സെ.മീ., 6 സെ.മീ വികാസം ഉണ്ടായിരിക്കണം.

ശാരീരികക്ഷമതയിലെ ഇളവ്

---

സർവീസിലിരിക്കുന്നയാളുടെ മകൻ/വിമുക്തഭടന്റെ മകൻ/യുദ്ധത്തിൽ മരണപ്പെട്ട വിമുക്തഭടന്റെ വിധവയുടെ മകൻ ഇവർക്ക് ഉയരത്തിൽ 2 സെ.മീറ്ററും നെഞ്ചളവിൽ ഒരു സെന്റീമീറ്ററും ഭാരത്തിൽ 2 കിലോയും ഇളവ് ലഭിക്കും.

കൂടാതെ അവസാന 2 വർഷത്തിൽ അന്താരാഷ്ട്ര/ദേശീയ/സംസ്‌ഥാന/ജില്ലാ തലത്തിൽ ഒന്നും രണ്ടും സ്ഥാനം നേടി മികവ് കാട്ടിയ കായിക താരങ്ങൾക്ക് ഉയരത്തിൽ 2 സെ.മീറ്ററും നെഞ്ചളവിൽ 3 സെന്റീമീറ്ററും ഭാരത്തിൽ 5 കിലോയും ഇളവ് ലഭിക്കും.

രണ്ട് വർഷത്തിനിടയിൽ ദേശീയ/അന്താരാഷ്ട്ര തലത്തിൽ കായികമേളയിൽ പങ്കെടുത്തവർക്കുള്ള ശാരീരിക ഇളവുകളുടെ കൂടുതൽ വിവരങ്ങൾ www.joinindianarmy.nic.in എന്ന വെബ്സൈറ്റിൽ നിന്ന് ലഭിക്കും.

കോമൺ എൻട്രൻസ് ടെസ്റ്റ്

---

മെഡിക്കൽ ഫിറ്റ്നസ് നേടുന്നവർക്ക് പരീക്ഷാ കേന്ദ്രം അനുവദിക്കും.

റാലിയിൽ വെച്ച് തന്നെ പരീക്ഷാകേന്ദ്രം,തീയതി,എന്നിവ-യടങ്ങുന്ന അഡ്മിറ്റ്‌ കാർഡ് നൽകും.

മെഡിക്കൽ റിവ്യൂ-ന് അയക്കുന്നവർക്ക് പുനഃപരിശോധനയുടെ അടിസ്ഥാനത്തിലാണ് അഡ്മിറ്റ് കാർഡ് അനുവദിക്കുക.

സമർപ്പിക്കേണ്ട രേഖകൾ : എല്ലാ സർട്ടിഫിക്കറ്റുകളുടെയും അസ്സലും രണ്ട് സെറ്റ് ഫോട്ടോ കോപ്പിയും കൈയിലുണ്ടായിരിക്കണം.

1. അഡ്മിറ്റ് കാർഡ് : നല്ല ക്വാളിറ്റി പേപ്പറിൽ ലേസർ പ്രിന്ററിൽ എടുത്തതായിരിക്കണം അഡ്മിറ്റ് കാർഡ്.

2. ഫോട്ടോ : അറ്റസ്റ്റ് ചെയ്യാത്ത 20 കോപ്പി ഫോട്ടോ ഉണ്ടായിരിക്കണം. മികച്ച ക്വാളിറ്റി ഫോട്ടോഗ്രാഫിക് പേപ്പറിലായിരിക്കണം ഫോട്ടോ പ്രിന്റ് ചെയ്തിരിക്കേണ്ടത്.
വെള്ള ബാക്ക്ഗ്രൗണ്ടിൽ മൂന്ന് മാസത്തിനകം എടുത്ത ഫോട്ടോ ആയിരിക്കണം.

3. വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകൾ :

• അംഗീകൃത സ്കൂൾ/കോളജ്/ബോർഡ്/സർവകലാശാലയിൽ നിന്ന് നേടിയ മെട്രിക്ക്/ഇന്റർമീഡിയറ്റ്/ബിരുദം എന്നിവയുടെ മാർക്ക് ഷീറ്റ് ഉണ്ടായിരിക്കണം.
• ഓപ്പൺ സ്കൂളിൽ നിന്ന് മെട്രിക് സർട്ടിഫിക്കറ്റ് നേടിയവർ സ്കൂൾ ലിവിങ് സർട്ടിഫിക്കറ്റിൽ ബി.ഡി.ഒ/ഡി.ഇ.ഒ.കൗണ്ടർ സൈൻ ചെയ്തിട്ടുണ്ടായിരിക്കണം.
• പ്രൊവിഷണൽ/ഓൺലൈൻ എജുക്കേഷൻ സർട്ടിഫിക്കറ്റ് ബന്ധപ്പെട്ട ബോർഡ്/സർവകലാശാല മേധാവി ഒപ്പിട്ടതായിരിക്കണം.

4.നേറ്റീവിറ്റി/ഡൊമിസൈൽ സർട്ടിഫിക്കറ്റ് : തഹസിൽദാർ/ഡിസ്ട്രിക്ട് മജിസ്‌ട്രേറ്റ് സാക്ഷ്യപ്പെടുത്തിയ ഫോട്ടോ പതിപ്പിച്ച സർട്ടിഫിക്കറ്റ്.

5. കമ്മ്യൂണിറ്റി/ജാതി സർട്ടിഫിക്കറ്റ് : തഹസിൽദാർ/ഡിസ്ട്രിക്ട് മജിസ്‌ട്രേറ്റ് സാക്ഷ്യപ്പെടുത്തിയ ഫോട്ടോ പതിപ്പിച്ച സർട്ടിഫിക്കറ്റ്.

6. റിലിജൻ സർട്ടിഫിക്കറ്റ് : തഹസിൽദാർ/സബ് ഡിവിഷണൽ മജിസ്‌ട്രേറ്റ് സാക്ഷ്യപ്പെടുത്തിയ സർട്ടിഫിക്കറ്റ്(സിഖ്/ഹിന്ദു/മുസ്ലിം/ക്രിസ്ത്യൻ എന്നിങ്ങനെ ജാതി സർട്ടിഫിക്കറ്റിൽ പരാമർശിക്കാത്ത പക്ഷം)

7.സ്കൂൾ സ്വഭാവ സർട്ടിഫിക്കറ്റ് : അവസാനമായി പഠിച്ച വിദ്യാഭ്യാസ സ്ഥാപനത്തിൽ നിന്ന് സ്കൂൾ/കോളജ് പ്രിൻസിപ്പൽ/ഹെഡ്മാസ്റ്റർ നൽകുന്നതായിരിക്കണം സർട്ടിഫിക്കറ്റ്.

8.അവിവാഹിത സർട്ടിഫിക്കറ്റ് : ഫോട്ടോയോടു കൂടി 21 വയസ്സിൽ താഴെയുള്ളവർക്ക് വില്ലേജ് സർപാഞ്ച്/മുൻസിപ്പൽ കോർപ്പറേഷൻ 6 മാസത്തിനകം നൽകിയ സർട്ടിഫിക്കറ്റ്.

9.റിലേഷൻഷിപ്പ് സർട്ടിഫിക്കറ്റ് : സർവീസിലുള്ള സൈനികന്റെ മകൻ/വിമുക്തഭടന്റെ മകൻ/യുദ്ധത്തിൽ മരിച്ച സൈനികന്റെ വിധവയുടെ മകൻ എന്നിവർ റിലേഷൻഷിപ്പ് സർട്ടിഫിക്കറ്റ് ഹാജരാക്കണം.

10.സ്പോർട്സ് സർട്ടിഫിക്കറ്റ് : നാഷണൽ/ഇന്റർനാഷണൽ ലെവലിൽ രണ്ട് വർഷത്തിനകം പങ്കെടുത്ത സർട്ടിഫിക്കറ്റ്. വിശദ വിവരങ്ങൾ www.joinindianarmy.nic.in എന്ന വെബ്സൈറ്റിൽ നിന്ന് ലഭിക്കും.

11. സത്യവാങ്മൂലം : പത്തുരൂപയുടെ ജുഡീഷ്യൽ സ്റ്റാമ്പ് പേപ്പറിൽ (ഇംഗ്ലീഷ്) നോട്ടറി അറ്റസ്റ്റ് ചെയ്ത സർട്ടിഫിക്കറ്റ്. സർട്ടിഫിക്കറ്റിന്റെ മാതൃക വിജ്ഞാപനത്തിനോടപ്പം നൽകിട്ടുണ്ട്.

12. സർട്ടിഫിക്കറ്റ് ഓഫ് ബോണസ് മാർക്ക് : റാലിയിൽ ബോണസ് മാർക്കിനായി സമർപ്പിക്കുന്ന സർട്ടിഫിക്കറ്റിന്റെ അസ്സലും അറ്റസ്റ്റ് ചെയ്ത കോപ്പിയും ഉണ്ടായിരിക്കണം.

13.സിംഗിൾ ബാങ്ക് അക്കൗണ്ട്/പാൻകാർഡ്/ആധാർകാർഡ്.

വിശദവിവരങ്ങൾ വെബ്സൈറ്റിലുണ്ട്.

ആർമിയുടെ റിക്രൂട്ട്‌മെന്റ് നടപടി എല്ലാം സൗജന്യമാണ്. റാലിക്കെത്തുമ്പോൾ കുടിവെള്ളവും ലഘുഭക്ഷണവും കരുതണം.

അഡ്മിറ്റ് കാർഡ് മുഖേനയാണ് റാലിയിൽ പ്രവേശനം അനുവദിക്കുക.

റാലിക്കായി പോകുമ്പോൾ സര്ടിഫിക്കറ്റുകളുടെ പകർപ്പിന്റെ 3 കോപ്പി കൈയിലുണ്ടായിരിക്കണം.

മൊബൈൽ ഫോൺ,സ്മാർട്ട് വാച്ച്,മറ്റ്‌ റെക്കോഡിങ് ഉപകരണങ്ങൾ ഇവയൊന്നും റാലിയിലും പരീക്ഷയ്ക്കും അനുവദിക്കുന്നതല്ല.

റാലിയിൽ പങ്കെടുക്കുന്നവരുടെ ചെവിക്കകം ശുചിയായിരിക്കണം.

പരീക്ഷയിൽ നെഗറ്റീവ് മാർക്ക് ഉണ്ടായിരിക്കും.

അപേക്ഷ സമർപ്പിക്കേണ്ട വിധം

---

വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാം

വിശദ വിവരങ്ങൾ അപേക്ഷിക്കാനുമായി www.joinindianarmy.nic.in എന്ന വെബ്സൈറ്റ് കാണുക.

ഫോൺ : 0495-2383953

അപേക്ഷ സ്വീകരിക്കുന്ന അവസാന തീയതി : ഫെബ്രുവരി 02.

• ഏറ്റവും പുതിയ തൊഴിലവസരങ്ങൾ അറിയാൻ ഇവിടെ ക്ലിക്ക് ചെയ്യുക