ഇന്ത്യൻ വ്യോമസേനയിലെ കമ്മിഷൻഡ് ഓഫീസർമാരാകാനുള്ള എയർ ഫോഴ്സസ് കോമൺ അഡ്മിഷൻ ടെസ്റ്റിന് (എ.എഫ്.സി.എ.ടി) അപേക്ഷ ക്ഷണിച്ചു.
ഫ്ലയിങ് , ഗ്രൗണ്ട് ഡ്യൂട്ടി – ടെക്നിക്കൽ , നോൺ ടെക്നിക്കൽ എന്നീ ബ്രാഞ്ചുകളിലേക്കാണ് പ്രവേശനം.
ആകെ 235 ഒഴിവുകളാണുള്ളത്.
ഗ്രൗണ്ട് ഡ്യൂട്ടി ബ്രാഞ്ചിൽ എസ്.എസ്.സി , പെർമനൻറ് കമ്മിഷൻ എന്നിവ വഴിയുമാണ് പ്രവേശനം.
അപേക്ഷകർ അവിവാഹിതരായിരിക്കണം.
വനിതകൾക്കും അപേക്ഷിക്കാം.
2022 ജനുവരിയിലാണ് കോഴ്സ് ആരംഭിക്കുക.
യോഗ്യത :
ഫ്ലയിങ് ബ്രാഞ്ചിലേക്കുള്ള യോഗ്യത :
- പന്ത്രണ്ടാംക്ലാസിൽ മാത്ത്സിനും ഫിസിക്സിനും 60 ശതമാനം വീതം മാർക്ക്.
- 60 ശതമാനം മാർക്കോടെ ബിരുദം / എൻജിനീയറിങ് ബിരുദം അല്ലെങ്കിൽ 60 ശതമാനം മാർക്കോടെ അസോസിയേറ്റ് മെമ്പർഷിപ്പ് ഓഫ് ഇൻസ്റ്റിറ്റ്യൂട്ട് എൻജിനീയേഴ്സസ് (ഇന്ത്യ) യുടെയോ എയറോനോട്ടിക്കൽ സൊസൈറ്റി ഓഫ് ഇന്ത്യയുടെയോ എ , ബി വിഭാഗങ്ങളിലെ പരീക്ഷയിലെ വിജയം.
- അവസാനവർഷ വിദ്യാർഥികൾക്കും നിബന്ധനകളോടെ അപേക്ഷിക്കാം.
- എൻ.സി.സി എയർവിങ് സീനിയർ ഡിവിഷൻ സി സർട്ടിഫിക്കറ്റുള്ളവർക്കാണ് സ്പെഷ്യൽ എൻട്രിക്ക് അപേക്ഷിക്കാനുള്ള അർഹത.
ഗ്രൗണ്ട് ഡ്യൂട്ടി (ടെക്നിക്കൽ) ബ്രാഞ്ചിലേക്കുള്ള യോഗ്യത :
- പന്ത്രണ്ടാം ക്ലാസിൽ മാത്ത്സിനും ഫസിക്സിനും 50 ശതമാനം വീതം മാർക്ക്.
- ബിരുദം / എൻജിനീയറിങ് ബിരുദം അല്ലെങ്കിൽ അസോസിയേറ്റ് മെമ്പർഷിപ്പ് ഓഫ് ഇൻസ്റ്റിറ്റ്യൂട്ട് എൻജിനീയേഴ്സ് (ഇന്ത്യ) യുടെയോ എയറോനോട്ടിക്കൽ സൊസൈറ്റി ഓഫ് ഇന്ത്യയുടെയോ എ , ബി വിഭാഗങ്ങളിലെ പരീക്ഷയിലെ വിജയം അല്ലെങ്കിൽ ഇൻസ്റ്റിറ്റ്യൂട്ട് ഓഫ് ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയേഴ്സിൻെറ ഗ്രാജുവേറ്റ് മെമ്പർഷിപ്പ് എക്സാമിനേഷനിൽ 60 ശതമാനം മാർക്കോടെ വിജയം.
- അവസാന വർഷ വിദ്യാർഥികൾക്കും നിബന്ധനകളോടെ അപേക്ഷിക്കാം.
ഗ്രൗണ്ട് ഡ്യൂട്ടി (നോൺ ടെക്നിക്കൽ) വിഭാഗത്തിൽ മൂന്ന് ബ്രാഞ്ചുകളിലേക്കാണ് പ്രവേശനം.
അഡ്മിനിസ്ട്രേഷൻ , ലോജിസ്റ്റിക്സ് ബ്രാഞ്ചുകളിലേക്കുള്ള യോഗ്യത :
- 60 ശതമാനം മാർക്കോടെ ബിരുദം/എൻജിനീയറിങ് ബിരുദം അല്ലെങ്കിൽ 60 ശതമാനം മാർക്കോടെ അസോസിയേറ്റ് മെമ്പർഷിപ്പ് ഓഫ് ഇൻസ്റ്റിറ്റ്യൂട്ട് എൻജിനീയേഴ്സ് (ഇന്ത്യ) യുടെയോ എയ്റോനോട്ടിക്കൽ സൊസൈറ്റി ഓഫ് ഇന്ത്യയുടെയോ എ , ബി വിഭാഗങ്ങളിലെ പരീക്ഷയിലെ വിജയം.
അക്കൗണ്ട്സ് ബ്രാഞ്ചിലേക്കുള്ള യോഗ്യത :
- 60 ശതമാനം മാർക്കോടെ ബി.കോം.
- നിശ്ചിത ശാരീരികയോഗ്യതകളും ആവശ്യമാണ്.
പ്രായപരിധി :
- ഫ്ലയിങ് ബ്രാഞ്ചിന് 20-24 വയസ്സ്.
- 1998 ജനുവരി രണ്ടിനും 2002 ജനുവരി ഒന്നിനുമിടയിൽ (രണ്ട് തീയതികളും ഉൾപ്പെടെ) ജനിച്ചവരായിരിക്കണം.
- കമേഴ്സ്യൽ പൈലറ്റ് ലൈസൻസ് കൈവശമുള്ളവർക്ക് രണ്ടുവർഷത്തെ വയസ്സിളവുണ്ട്.
- ഗ്രൗണ്ട് ഡ്യൂട്ടി ബ്രാഞ്ചിന് 20-26 വയസ്സ്.
- 1996 ജനുവരി രണ്ടിനും 2002 ജനുവരി ഒന്നിനുമിടയിൽ (രണ്ട് തീയതികളും ഉൾപ്പെടെ) ജനിച്ചവരാകണം.
പരിശീലനം :
2022 ജനുവരി മുതൽ ഹൈദരാബാദിലെ എയർഫോഴ്സസ് അക്കാദമിയിൽ പരിശീലനം ആരംഭിക്കും.
ഫ്ലയിങ് , ഗ്രൗണ്ട് ഡ്യൂട്ടി (ടെക്നിക്കൽ) ബ്രാഞ്ചുകളിലുള്ളവർക്ക് 74 ആഴ്ചയും മറ്റുള്ളവർക്ക് 52 ആഴ്ചയുമാണ് പരിശീലനം.
പരിശീലനത്തിനു ശേഷം ഓഫീസർ തസ്തികയിൽ നിയമിക്കും.
അപേക്ഷ സമർപ്പിക്കേണ്ട വിധം
ഓൺലൈൻ പരീക്ഷയാണുണ്ടാകുക.
അപേക്ഷാഫീസ് : 250 രൂപ.
എൻ.സി.സി സ്പെഷ്യൽ എൻട്രി വഴി അപേക്ഷിക്കുന്നവർക്ക് ഫീസില്ല.
യോഗ്യത , അപേക്ഷിക്കേണ്ട രീതി , പരീക്ഷ , പരീക്ഷാകേന്ദ്രങ്ങൾ തുടങ്ങിയ വിശദവിവരങ്ങൾ www.careerindianairforce.cdac.in , www.afcat.cdac.in എന്ന വെബ്‌സൈറ്റുകളിൽ ഉടൻ പ്രസിദ്ധീകരിക്കും.
ഡിസംബർ ഒന്നുമുതൽ ഡിസംബർ 30 വരെ ഓൺലൈനായി അപേക്ഷ സമർപ്പിക്കാം.
അപേക്ഷ സ്വീകരിക്കുന്ന അവസാന തീയതി : ഡിസംബർ 30.
| Important Links | |
|---|---|
| Official Notification | Click Here |
| Apply Online | Click Here |
| More Details | Click Here |
