കാസർഗോഡ് മെഡിക്കൽ കോളേജിൽ 52 ജൂനിയർ/ സീനിയർ റെസിഡന്റ് ഒഴിവുകൾ

കോവിഡ് വ്യാപനത്തിന്റെ പശ്ചാത്തലത്തിൽ അടിയന്തരമായി പ്രഖ്യാപിച്ച കാസർഗോഡ് മെഡിക്കൽ കോളജിലെ 52 ഒഴിവുകളിലേക്ക്‌ അപേക്ഷ ക്ഷണിച്ചു.

ജൂനിയർ റസിഡന്റ് തസ്തികയിൽ 24 ഉം സീനിയർ റസിഡന്റ് തസ്തികയിൽ 28 ഉം അവസരമുണ്ട്.

ഡയറക്ടറേറ്റ് ഓഫ് മെഡിക്കൽ എജ്യുക്കേഷൻ ആണ് അപേക്ഷ ക്ഷണിച്ചിരിക്കുന്നത്.

ഇ-മെയിൽ വഴിയാണ് അപേക്ഷകൾ സമർപ്പിക്കേണ്ടത്.

പരസ്യവിജ്ഞാപന നമ്പർ 62/2020/H&FWD

വിശദവിവരങ്ങൾക്കായി www.dme.kerala.gov.in എന്ന വെബ്സൈറ്റ് സന്ദർശിക്കുക.

കാസർകോട് പ്രവർത്തനമാരംഭിക്കുന്ന മെഡിക്കൽ കോളേജിൽ 91 അധ്യാപക ഒഴിവാണ് സർക്കാർ അടിയന്തരമായി പ്രഖ്യാപിച്ചിരിക്കുന്നത്. അതിൽ 52 ഒഴിവുകളിലേക്കാണ് ഇപ്പോൾ അപേക്ഷകൾ ക്ഷണിച്ചിരിക്കുന്നത്.മെഡിക്കൽ കോളേജിൽ നോൺ ടീച്ചിങ് സ്റ്റാഫ് – മിനിസ്റ്റീരിയൽ, പാരാമെഡിക്കൽ ആൻഡ് നഴ്സിംഗ് സ്റ്റാഫ് വിഭാഗത്തിൽ 182 ഒഴിവുകളുണ്ട്. ഈ തസ്തികകളിലേക്ക് വിജ്ഞാപനം പുറപ്പെടുവിച്ചിട്ടില്ല. ജൂനിയർ /സീനിയർ റസിഡന്റ് തസ്തികയിലേക്ക് അപേക്ഷിക്കാനായി രേഖകളുടെ സ്വയം സാക്ഷ്യപ്പെടുത്തിയ പകർപ്പും അപേക്ഷകളും സഹിതം എന്ന dmekerela@gmail.com ഇ-മെയിലിലേക്കു അയക്കുക.